პულსი - window-ს სისტემის მონიტორინგის ხელსაწყო

-Pulse – სისტემის მონიტორინგი რეალურ დროში

-Pulseარის მსუბუქი და თანამედროვე სისტემური მონიტორინგის პროგრამა Windows-ისთვის, რომელიც საშუალებას გაძლევთ რეალურ დროში აკონტროლოთ კომპიუტერის ძირითადი კომპონენტების მუშაობა.

პროგრამის მთავარი უპირატესობაა ეკრანზე განთავსებული Overlay, რომლის საშუალებითაც საჭირო ინფორმაცია მუდმივად ჩანს სხვა პროგრამებთან ან თამაშებთან მუშაობის დროს. მომხმარებელს შეუძლია თავად აირჩიოს, რომელი მონაცემები გამოჩნდეს ეკრანზე და სად განთავსდეს მონიტორინგის ფანჯარა.

ძირითადი შესაძლებლობები

Pulse-ის საშუალებით შესაძლებელია შემდეგი მონაცემების მონიტორინგი:

• CPU Usage – პროცესორის დატვირთვა
• CPU Temperature – პროცესორის ტემპერატურა
• CPU Clock – პროცესორის მიმდინარე სიხშირე
• CPU Power – პროცესორის ენერგომოხმარება
• GPU Usage – ვიდეო ბარათის დატვირთვა
• GPU Temperature – ვიდეო ბარათის ტემპერატურა
• GPU Clock – GPU-ს სამუშაო სიხშირე
• GPU Power – ვიდეო ბარათის ენერგომოხმარება
• RAM – ოპერატიული მეხსიერების გამოყენება
• VRAM – ვიდეო მეხსიერების გამოყენება
• FPS – თამაშისა და აქტიური აპლიკაციის კადრების სიხშირე
• 1% Low FPS – FPS-ის ვარდნებისა და შესაძლო შეფერხებების უკეთ შესაფასებლად
• Network – ქსელის Upload და Download სიჩქარე
• Disk Activity – დისკის აქტივობა
• Battery Level – ლეპტოპის ბატარეის დატენვის დონე

ეკრანზე მონიტორინგი

Pulse-ის Overlay შესაძლებელია განთავსდეს ეკრანის სასურველ ადგილას. შესაძლებელია მისი ზომის, პოზიციისა და გამჭვირვალობის შეცვლაც.

პროგრამას აქვს Normal Mode და Compact Mode. სრული რეჟიმი უფრო დეტალურად აჩვენებს არჩეულ სენსორებს, ხოლო Compact Mode განკუთვნილია მინიმალური სივრცის დასაკავებლად და განსაკუთრებით მოსახერხებელია თამაშის დროს.

მომხმარებელს შეუძლია თავად განსაზღვროს, რომელი სენსორები გამოჩნდეს Overlay-ზე და რა თანმიმდევრობით განლაგდეს ისინი.

გეიმინგისა და წარმადობის მონიტორინგი

Pulse განსაკუთრებით გამოსადეგია თამაშების დროს. პროგრამა რეალურ დროში აჩვენებს FPS-ს და სისტემის დატვირთვას, რაც მომხმარებელს საშუალებას აძლევს ერთდროულად დააკვირდეს პროცესორისა და ვიდეო ბარათის ტემპერატურას, დატვირთვას, მეხსიერების მოხმარებასა და სხვა მნიშვნელოვან მაჩვენებლებს.

FPS-თან ერთად შესაძლებელია 1% Low FPS-ის ჩვენებაც, რაც დაგეხმარებათ ისეთი მცირე შეფერხებებისა და FPS-ის ვარდნების აღმოჩენაში, რომლებიც საშუალო FPS-ის მაჩვენებელში შეიძლება კარგად არ ჩანდეს.

პერსონალიზაცია

Pulse-ის Control Panel-იდან შესაძლებელია:

Overlay-ის ჩართვა და გამორთვა, სასურველი სენსორების არჩევა, მათი თანმიმდევრობის შეცვლა, Overlay-ის ზომისა და გამჭვირვალობის რეგულირება, ეკრანზე პოზიციის არჩევა, Normal/Compact რეჟიმებს შორის გადართვა და მონაცემების განახლების ინტერვალის შეცვლა.

ასევე შესაძლებელია კლავიატურის სწრაფი ღილაკების (Hotkeys) დაყენება Overlay-ის, Control Panel-ისა და Compact Mode-ის სამართავად.

კონფიდენციალურობა და მუშაობის პრინციპი

Hardware მონიტორინგი უშუალოდ მომხმარებლის კომპიუტერზე მიმდინარეობს და პროგრამის გამოყენებისთვის ანგარიშის შექმნა საჭირო არ არის. ინტერნეტთან კავშირი მუდმივი მონიტორინგისთვის აუცილებელი არ არის.

Pulse შექმნილია ისე, რომ სისტემის რესურსებზე მინიმალური გავლენა მოახდინოს და საჭირო ინფორმაცია მომხმარებელს პირდაპირ სამუშაო ეკრანზე მიაწოდოს.

თავსებადობა: Windows 10 / Windows 11
არქიტექტურა: 64-bit (x64)
ლიცენზია: უფასო და Open Source (GPLv3)